Youtubelaria. Sarean, @arkkuso da. Sareetan dabil buru-belarri: youtuben, zuzenekoak egiten (Twitz) eta euskarazko edukiak sortzen. 2004tik Gaztezulo aldizkarian ari da gazteendako edukiak sortzen. Bere bloga Blogetan! lehiaketan saritua izan zen. Sormenezko euskal edukien eta esperientzia berrien bilatzaile nekaezina da.
Kirolaria. 16 urte zituela, Iturrama
institutuan ikastera etorri zen. Hemen bizi eta lan egiten du. Paleta goman, bikoteka, munduko txapeldunorde izan zen hainbatetan: brontzea Uruguayn (2013) eta Mexikon (2014), eta zilarra Mexikon (2015). Areto futbolean ere goi mailatan dabil. Aurten, Osasuna-Lacturale-Orvina taldean.
Marrazkilaria, irudigilea eta muralista. Arte Ederrak ikasi zituen EHUn, baita Ikerketa eta Sormena Artean izeneko masterra egin ere. Bartzelonako Eina eskolan Ilustrazio sortzailea ikasi zuen eta Madrilgo Matadero deitu kultur zentroan. 2017an, BBVA Fundazioko Leonardo bekaduna izan zen. Artista egoiliarra izan da Seulgo Sema Nanji egoitzan, Juarez hiriko “El Paso del Norte” kultur zentroan, Pekingo Manga Art estudioan eta Bilbaoarten.
Musikaria. Irunberrin bizi da. 2010ean Altxatu musika taldea sortu zuen. Geroztik, txaranga, banda, dantza emanaldi eta antzerki saioetan aritu da. 2019an, Altxaturen ibilbidea bukatua zenean, lagun batzuekin batera, Ibil Bedi taldea sortu zuen. Musikagintzan, musika bera ontzea egokitu zaio gehienetan eta, aldi berean, kantuen letrak idatzi ditu; hortaz, letragiletzat ere badu bere burua; sortzailetzat, azken finean.